दैलेख — डुङ्गेश्वर गाउँपालिकाका लेखा अधिकृत (सातौँ तह) टंक बहादुर कार्कीलाई एक लाख रुपैयाँ घुससहित अख्तियारको टोलीले पक्राउ गरेको छ।
कार्कीले सडक स्तरोन्नति तथा निर्माण सम्पन्न भएपछि अन्तिम बिल भुक्तानी गर्ने क्रममा सेवाग्राहीसँग घुस रकम मागेको उजुरीका आधारमा आयोगले निगरानी बढाएको थियो। त्यस क्रममा कार्कीलाई सेवाग्राहीसँग एक लाख रुपैयाँ घुस लिइसकेको अवस्थामा पक्राउ गरिएको अख्तियार दुरुपयोग अनुसन्धान आयोगले जनाएको छ।
कार्कीलाई मिति २०८२ साल असोज २ गते सुर्खेतको बिरेन्द्रनगर नगरपालिका–९, मंगलगढी चोकबाट नियन्त्रणमा लिइएको हो।
पक्राउ परेका कार्कीविरुद्ध थप अनुसन्धान भइरहेको आयोगका प्रवक्ता राजेन्द्र कुमार पौडेलले जानकारी दिएका छन्।
