कोहलपुर, पुस ३० —
कोहलपुर नगरपालिका वडा नं. २ स्थित बर्दहवा गाउँको शिव मन्दिर परिसरमा दोस्रो माघी मिलन कार्यक्रम भव्य रूपमा आयोजना हुने भएको छ।
“राष्ट्रिय एकता वा विविधता, हमार शान — थारु भाषा संस्कृति बचाउना हमार अभियान” भन्ने मूल नाराका साथ आयोजना हुने उक्त कार्यक्रम पुस ३० गते २०८२ सालमा सम्पन्न हुने आयोजकले जनाएको छ।
थारु समुदायको मौलिक पहिचान, भाषा, कला, संस्कृति तथा परम्पराको संरक्षण र प्रवर्द्धन गर्ने उद्देश्यले कार्यक्रम आयोजना गरिएको हो। कार्यक्रममा थारु सांस्कृतिक झाँकी, मौलिक नृत्य, गीत, भेषभूषा प्रदर्शन तथा विविध सांस्कृतिक प्रस्तुति रहने बताइएको छ।
कार्यक्रम बर्दहवा टोल विकास समितिको आयोजनामा हुन लागेको हो। आयोजक समितिले सम्पूर्ण स्थानीयवासी, समाजसेवी, बुद्धिजीवी, युवा तथा सांस्कृतिक प्रेमीहरूलाई कार्यक्रममा उपस्थित भई कार्यक्रमको शोभा बढाइदिन आग्रह गरेको छ।