नेपालगञ्ज । जिल्ला प्रहरी कार्यालय बाँकेले भारतबाट अवैध रूपमा ल्याइएका ठूलो संख्यामा ब्रोइलर कुखुराका चल्ला बरामद गरेको छ।
मिति २०८२ साल माघ २० गते, बाँकेको डुडुवा गाउँपालिका–६ क्षेत्रमा भारतबाट लुकिछिपी नेपाल भित्र्याइएका अन्दाजी ८ हजार १४० वटा ब्रोइलर कुखुराका चल्ला नियन्त्रणमा लिइएको जिल्ला प्रहरी कार्यालय बाँकेले जनाएको छ।
बरामद गरिएका चल्लालाई आवश्यक कानुनी प्रक्रिया तथा कारबाहीका लागि पशु क्वारेन्टाइन कार्यालय, नेपालगञ्ज (बाँके) मा पठाइएको प्रहरीले जानकारी दिएको छ।
