नेपालगञ्ज । जिल्ला प्रहरी कार्यालय बाँकेले भारतबाट भन्सार छली अवैध रूपमा नेपाल भित्र्याइएका विभिन्न किसिमका सामान बरामद गरेको छ।
प्रहरीले विभिन्न समयमा बाँके जिल्लाका विभिन्न स्थानहरूबाट भारतदेखि नेपालतर्फ तस्करी गरी ल्याइएका लत्ता–कपडा, खाद्यान्न सामग्री, सुर्तीजन्य पदार्थ, मोबाइल डिस्प्ले, हटकेशलगायतका सामान नियन्त्रणमा लिएको हो।
बरामद सामानको अन्दाजी मूल्य रु. ४१ हजार ७ सय रुपैयाँ रहेको जिल्ला प्रहरी कार्यालय बाँकेले जनाएको छ। नियन्त्रणमा लिइएका सम्पूर्ण सामानहरूलाई आवश्यक कानुनी कारबाहीका लागि भन्सार कार्यालय, नेपालगञ्ज (बाँके) मा पठाइएको प्रहरीले जानकारी दिएको छ।
प्रहरीका अनुसार भन्सार छलि हुने अवैध कारोबार नियन्त्रणका लागि जिल्लाभर निगरानी तथा चेकजाँच कार्यलाई थप कडाइ गरिएको छ।
