सिरहा — सिरहा जिल्ला अदालत अगाडि बम जस्तो देखिने शंकास्पद वस्तु विस्फोट भएको छ। उक्त वस्तु वास्तविक बम हो कि होइन भन्ने यकिन गर्नका लागि जिल्ला प्रहरी कार्यालय सिरहाको टोलीले नेपाली सेनाको बम डिस्पोजल टोलीलाई बोलाएको जनाएको छ।
प्रहरीका अनुसार अदालत परिसर नजिकै शंकास्पद वस्तु देखिएपछि सुरक्षा व्यवस्था कडा बनाइएको छ। सो स्थानमा अहिले प्रहरीको टोलीले सुरक्षा दिइरहेको छ भने सर्वसाधारणलाई नजिक जान नदिन सावधानी अपनाइएको छ।
घटनाबारे थप अनुसन्धान भइरहेको प्रहरीले जनाएको छ। नेपाली सेनाको टोली घटनास्थलमा पुगेर उक्त वस्तुको जाँच गरेपछि मात्र त्यो बम हो वा होइन भन्ने स्पष्ट हुने बताइएको छ।
यस घटनापछि अदालत आसपासको क्षेत्रमा केही समयका लागि सतर्कता बढाइएको छ।
