कोहलपुर — कोहलपुर नगरपालिका–२ बर्दहवा क्षेत्रबाट प्रहरीले लागूऔषधसहित दुई युवकलाई पक्राउ गरेको छ।
प्रहरीका अनुसार ४ ग्राम १९० मिलिग्राम ब्राउन सुगरसहित २१ वर्षीय सत्य नारायण थारु र अर्का एक युवकलाई गएराति नियन्त्रणमा लिइएको हो।
इलाका प्रहरी कार्यालय कोहलपुर बाट खटिएको प्रहरी टोलीले उनीहरूलाई शंकास्पद अवस्थामा जाँच गर्ने क्रममा उक्त पदार्थ बरामद गरेको जनाएको छ।
प्रहरीका अनुसार पक्राउ परेका दुवै जनामाथि लागूऔषध सम्बन्धी कसूरमा थप अनुसन्धान अघि बढाइएको छ।
