Friday, November 6, 2026

कञ्चनपुर। कञ्चनपुरको बेलौरीमा एक १६ वर्षीय किशोरलाई जंगलमा लगेर धारिलो हतियार देखाउँदै कुटपिट तथा यातना दिएको आरोपमा प्रहरीले पाँच जनालाई पक्राउ गरेको छ।

किशोरलाई स्थानीय खजुवा जंगलमा लगेर कुटपिट गरिएको भिडियो सार्वजनिक भएपछि प्रहरीले घटनामा संलग्न रहेको आरोपमा पाँच जनालाई पक्राउ गरेको हो।

प्रहरीका अनुसार गत असोज २३ गते साँझ बेलौरी नगरपालिका–९, रतनपुरका किशोरलाई स्थानीय खजुवा जंगलमा पुर्‍याइएको थियो। जंगलमा किशोरलाई खुकुरीजस्तो धारिलो हतियार देखाएर धम्क्याउनुका साथै कुटपिट गरिएको प्रारम्भिक अनुसन्धानबाट खुलेको छ।

घटनामा संलग्न रहेको आरोपमा बेलौरी नगरपालिका–९ का आशिष बिष्ट, दिलिप भट्ट, शंकर सुनार, सुजित अधिकारी र मिलन तिरुवालाई पक्राउ गरिएको प्रहरीले जनाएको छ।

जिल्ला प्रहरी कार्यालयका प्रहरी नायब उपरीक्षक टेकबहादुर रावतका अनुसार पक्राउ परेका आरोपितहरूमाथि अपहरण, शरीर बन्धक, ज्यान मार्ने उद्योग तथा अपमानजनक र अमानवीय व्यवहारसम्बन्धी कसुरमा अनुसन्धान अघि बढाइएको छ।

घटनाको भिडियो सार्वजनिक भएपछि प्रहरीले अनुसन्धान तीव्र पारेको हो। प्रहरीले घटनामा संलग्न अन्य व्यक्तिहरूको भूमिका र घटनाको वास्तविक कारणबारे थप अनुसन्धान गरिरहेको जनाएको छ।

 

प्रतिक्रिया

सम्बन्धित खवर

ताजा समाचार

लोकप्रिय

सम्पर्क जानकारी
Surakshya Rastriya Dainik Media Pvt. Ltd. | दर्ता नं.: 4290-2080/2081 | Banke | +977 9768462390 | surakshyarastriyadainik@gmail.com | विज्ञापन: marketing@surakshyarastriyadainik.com
हाम्रो टोली
प्रधान सम्पादक
सुरेश शाही
अध्यक्ष
सुर्य तिवारी
प्रमुख कार्यकारी
अपडेट हुँदै छ...
सम्पादक
अपडेट हुँदै छ...
निर्देशक
अपडेट हुँदै छ...
Copyright © 2026 Surakshyarastriyadainik Media Pvt. Ltd. All Rights Reserved.
Design & Developed by: E-Imagine Infotech