जुम्ला । पातारासी गाउँपालिका–५ का वडाध्यक्ष दत्तबहादुर बुढा जबरजस्ती करणी आरोपमा पक्राउ परेका छन्।
जिल्ला प्रहरी कार्यालय जुम्लाका अनुसार एक महिलाले वडाध्यक्ष बुढाविरुद्ध पटक–पटक धम्की दिँदै जबरजस्ती करणी गरेको आरोपसहित मंगलबार राति उजुरी दर्ता गराएकी थिइन्।
पीडित महिलाको जाहेरीका आधारमा अनुसन्धान प्रक्रिया अघि बढाउन बुधबार बुढालाई नियन्त्रणमा लिइएको प्रहरीले जनाएको छ।
प्रहरीका अनुसार घटनासम्बन्धी तथ्य, प्रमाण तथा पीडितको बयानका आधारमा थप अनुसन्धान भइरहेको छ।
यस घटनाबारे अनुसन्धान गर्न जिल्ला अदालतबाट पाँच दिनको म्याद थप गरिएको जिल्ला प्रहरी कार्यालय जुम्लाले जानकारी दिएको छ।
