काठमाडौं– काठमाडौंको कागेश्वरी मनोहरा नगरपालिका–७ मा तास खेलिरहेका सात जनालाई प्रहरीले पक्राउ गरेको छ।
पक्राउ परेकामध्ये सिन्धुपाल्चोक जुगल गाउँपालिका–४ का ४५ वर्षीय इन्द्र श्रेष्ठ प्रमुख छन्। उनी हाल कागेश्वरी मनोहरा–७ स्थित श्यामकृष्ण श्रेष्ठको घरमा बस्दै आएका थिए। सोही घरमा जुवा तास खेलिरहेका बेला प्रहरीले राति उनीहरूलाई नियन्त्रणमा लिएको हो।
महानगरीय प्रहरी वृत्त बौद्धका अनुसार, घटनास्थलबाट नगद ९३ हजार ७६० रुपैयाँ र तीन बुक तास बरामद गरिएको छ। प्रहरीले पक्राउ परेकाहरूमाथि थप अनुसन्धान अघि बढाइएको जानकारी दिएको छ।
