सुर्खेत – सुर्खेतको भेरीगंगा नगरपालिका–५ बबई चेकपोष्टमा खटिएको प्रहरी टोलीले भन्सार छली गरी ल्याइएका करिब दुई लाख रुपैयाँभन्दा बढी मूल्यका विभिन्न सामान बरामद गरेको छ।
प्रहरी सनिरीक्षक हर्कबहादुर तिरुवाको कमाण्डमा खटिएको ६ जनाको टोलीले नेपालगञ्जबाट सुर्खेततर्फ जाँदै गरेका सवारी साधनमा चेकजाँच गर्ने क्रममा यी सामान बरामद गरेको हो। बरामद सामानमा २०० केजी चिनी, ६२ थान कुर्ता सुरुवाल, १० जोर जिन्स पाइन्ट र सर्ट, ११ पिस गेम टी–सर्ट, १६ पिस बच्चाको बक्स पाइन्ट, ७ पिस बच्चाको फराक, १५ पिस कुर्ती, २ पिस घरेलु धोती, २४ पिस साडी र ४ जोर बच्चाको हाफ जिन्स पाइन्ट तथा सर्ट रहेका छन्।
यी सामानको कुल मूल्य करिब रु. २ लाख ३ हजार ३ सय रहेको प्रहरीले जनाएको छ। बरामद सामग्री आवश्यक कारबाहीका लागि जिल्ला प्रहरी कार्यालय बबईमा राखिएको छ भने संलग्न सवारी साधनलाई भने गन्तव्यतर्फ पठाइएको छ।
