काठमाडौं— मानव बेचबिखन तथा ओसारपसारसम्बन्धी मुद्दामा फरार रहेका कलबहादुर बस्नेत अन्ततः पक्राउ परेका छन्।
कीर्तिपुर नगरपालिका–४ गाम्चा बस्ने र रूकुम पश्चिम, बाफिकोट गाउँपालिका–२ घर भएका बस्नेतलाई युनाइटेड अरब इमिरेट्स (युएई) मा पक्राउ गरी सोमबार नेपाल ल्याइएको नेपाल प्रहरीले जनाएको छ।
नेपाल प्रहरीको केन्द्रीय अनुसन्धान ब्यूरो (एनसीबी) को अनुरोधमा इन्टरपोल महासचिवालयले २०८१ पुस ११ गते उनलाई पक्राउ गर्न रेड नोटिस जारी गरेको थियो। उक्त नोटिस जारी भएदेखि फरार रहेका बस्नेतलाई एनसीबी अबु धाबी, युएईको समन्वयमा पक्राउ गरिएको हो।
नेपाल फर्काइएका बस्नेतलाई अब सम्बन्धित मुद्दामा कानुनी कारबाही अघि बढाउन मानव बेचबिखन ब्यूरोमा पठाइएको प्रहरीले जनाएको छ।
