काठमाडौं ।ललितपुर प्रहरीले प्रहरी निरीक्षक (इन्स्पेक्टर) दिनेश गुरुङलाई पक्राउ गरी थुनामा राखेको छ।
गुरुङकी पूर्वपत्नीले दिएको जाहेरीका आधारमा उनलाई जबरजस्ती करणी र ज्यान मार्ने उद्योगको आरोपमा पक्राउ गरिएको जिल्ला प्रहरी परिसर ललितपुरले जनाएको छ।
प्रहरी प्रधान कार्यालय, नक्सालअन्तर्गत १ नम्बर गणमा कार्यरत गुरुङलाई मंगलबार पक्राउ गरिएको हो।
मुद्दा दर्ता हुनु अघि नै गुरुङले सामाजिक सञ्जालमार्फत आफू नै पीडित भएको दाबी गरेका थिए। फेसबुकमार्फत उनले छोरीलाई भेट्न जाँदा पूर्वपत्नीले अपमानजनक व्यवहार गरेको र त्यसको प्रतिकार गर्दा उल्टै झुट्टा आरोप लगाइएको बताएका छन्।
हाल घटनाबारे थप अनुसन्धान भइरहेको प्रहरीले जनाएको छ।
