बाँके । नेपालगञ्ज उपमहानगरपालिका–१८ स्थित मिलन कटेजको गेटमा कार्तिक ६ गते राति फलामको रड र धारिलो हतियार प्रहार गरी तीन जनालाई घाइते बनाएर फरार रहेका एक युवक पक्राउ परेका छन्।
जाजरकोट भेरी नगरपालिका–४ बस्ने ३० वर्षीय निरज शाहीले राति करिब ८ बजे तीन जनामा आक्रमण गरेको प्रहरीले जनाएको छ। घटनापछि उनी फरार रहेका थिए।
घटनासम्बन्धी ज्यान मार्ने उद्योग मुद्दामा जिल्ला अदालत बाँकेबाट पक्राउ पुर्जी जारी भएपछि शाहीलाई कार्तिक २४ गते प्रहरीले पक्राउ गरेको हो। अदालतले उनलाई ६ दिनको म्याद थप गरी अनुसन्धान अघि बढाइएको जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक दीपक पातलीले जानकारी दिए।
