कोहलपुर – इलाका प्रहरी कार्यालय कोहलपुर र जिल्ला ट्राफिक प्रहरी कार्यालय बाँकेको संयुक्त आयोजनामा कोहलपुर नगरपालिका–६, रझेनास्थित वडा कार्यालयको सभाहलमा आज नागरिक सुनुवाई कार्यक्रम सम्पन्न भएको छ।
कार्यक्रमको अध्यक्षता इलाका प्रहरी कार्यालय कोहलपुरका प्रहरी नायब उपरीक्षक (डीएसपी) लक्ष्मी खनालले गरे भने प्रमुख आतिथ्य कोहलपुर–६ का वडा अध्यक्ष श्रीकृष्ण थारुले जनाएका थिए। कार्यक्रममा विभिन्न संघ–संस्थाका प्रमुख, निर्वाचित जनप्रतिनिधि, वडा स्तरका जनप्रतिनिधि तथा सर्वसाधारणको उपस्थिति थियो।
सुनुवाई कार्यक्रममा प्रहरी सेवाप्रवाहलाई अझ छिटो, छरितो, निष्पक्ष, पारदर्शी र जवाफदेही बनाउनुपर्ने विषयमा सहभागीले सुझाव र गुनासा राखेका थिए। डीएसपी खनालले सबै गुनासा र सुझावलाई गम्भीरतापूर्वक लिने प्रतिबद्धता व्यक्त गर्दै, प्रहरीको कामकाज र सेवाप्रवाहलाई अझ जनउत्तरदायी बनाउने आश्वासन दिए।
